PR No.24006 Date: 2024-05-27

Amata Oina India gi Lamloulanmi Thengnaminnasi – RPF

Engkumja 2023 gi May 3 dagi Manipur da kanglupki muknaba manba thokliba thoudok asi India Government na matam sangna fumduna leiramba aronba khujin-thourang safonglakpani; aronba khujin-thaourang adudi – “WeSEA lamdamgi ningtam lalhou asi maithiba pinaba, Yumlonnaba Myanmar leibakta India gi apamba fangnaba khut thingjinba, Loinana Regional amasung International Political Game asida India na nongchup ki ethil louraga nongpoklamgi chatnabi maiyoknanaba hotnabada masagi puwari, khunaigi fajaraba chatnabi leiba, malemda sakkhangnaraba amasung India na humduna puba ngamloidaba furup singna khundaba Nongpoklamgi leibak Manipur da lanbung asi atamnana oihanba”. India na masagi oijaba thinaba hotnabada Manipur amasung Myanmar gi maral leijadaba meecham meeyam kayagi thawaina pontha oihanbani.

May 3 asidagi ngasi faobada Manipur da thokliba thoudoksing asi hanggatna yengba amadi akhang aheisingna fongdoknarakpa amasung meeyamgi mitna uba paodam sing asi taru-neinaruba matamdadi India na houjik thokliba Manipur gi kanglupki muknaba asi thokhanbani haibada henna mayek senglakpada nattana “Nakhoina kari touba ngamdoino” haibagi matagum atak-afongnarakpani. Aduga India na mithingai oiduna kanglup ki wathok thokhalliba asi “Aranbani” haina hourakpadagi fongdoktuna lakliba RPF amasung masigi Lanmi PLA da India na onkhattuna taisinnaba hotnari. Utlei-palei touduna masagi maral meengonda thangjinnaba hotnaba haiba asidi Mayang India gi machat (character) ni, makhoigi laigi haktaktagi sagonnaraklaba lichatni.

Houkhiba Engkumja 2023 May 7 ki ayukta Kuki Chief singgi maikeidagi RPF ta phone touraktuna “Ngarang Assam Rifles laklammi aduga nakhoi gi khul asi PLA na attack tougadoure hairammi. Madugi damak ngasi ayuk asi Chief singgi meeting touribani. PLA di eikhoiga kuina leiminnarakpani aduna makhoi munna khang-e, makhoi na eikhoi gi khunda attack tourakkani haiba thajade. Adubu, nakhoi PLA dagi confirm ama lousi haiduna phone tourakpani” hairakkhi. RPF ki maikeidagi adugumba attack toubagi wafam leite, Assam Rifles singna hairiba adu thajabirunu haina khumkhi. Paokhum asi ayiba oina pibirak-u haibadagi Text Message oina RPF ki maikeidagi Kuki Chief singda thakhi; message asigi maroldi –

India Government na, mapung oina Indian Security Force ki Field Intelligence Unit (FIU) na makhoigi Henchman singgi khuthangda Manipur da matam kayagi mamangda gi machin-manao oina nungsi-channana khudaminnaduna leiminnarakliba furup singgi apunbagi saktam (Unity) asi thugainaba ngasigi kanglup ki muknaba asi thokhanbani. India gi Agenda di Manipur gi Unity thugaiba haibani, Unity asi amukpu thugaikhrabadi yelhoumi sing asina masagi leibak asi panjaba ngamlaroi amasung ungkhatnaba (disunity) asigi khudong chaba louraga India na Manipur bu suplou lousinba haiba asini.

Nungsijaraba Sir/Madam, Indian Army amasung makhoigi Henchman singi aranba propaganda da thajabiruganu. RPF amasung masigi lanmi PLA asi Manipur gi furup khudimngmakkini amasung apunbagi saktam (Unity) gi damak lepli. Manipur gi apunba saktam (Unity) asi punna kanminnasi amasung ngakminnasi. Eikhoigi furup marakta leiriba Henchman sing asi khangdoksi amasung makhoigi tamthiraba crime sing punna laothokminnasi (Expose the Henchmen in our community and denounce their heinous crime together). Adombu thagatchari.

India ga Suspension of Operation (SoO) toudaba RPF ka hannadagi tinnaduna lakkhiba Kuki gi lalhoulup amanasu “Crisis asi India na ensinlibani haiba loina khanglabani, masida yaoganu hairibani” haina tamlakkhi. Loinana May 10, 2023 da Kuki khullakta leiba Meetei sinmi 90 Kuki Chief singna Sugnu gi MLA K Ranjit amasung akoibada taba mafam adugi Peace Committee gi President gi khuthangda sinnarakkhi. MLA K Ranjit na sel gi khudol faoba Chief sing aduda tamkhi.

Asumna Sugnu gi akoibada taminnariba khunjasing nungsi chanana leiminnaba asi ubada khoisaonaraba India leingakna makhoigi Henchman singda insinduna mafam adugi tangdu-leitana leijariba adu atamnana thugairakkhi. Thoudou asida Indian Army na louriba saklon adu pendaba amasung yaningdabadagi efong-fongna Manipur Police ka Assam Rifle ga nongmei faoba puthoktuna muknabagi thoudok faoba thokkhi.

Matam asidagi houna RPF pu thokliba kanglupki erang asida chingsinnanaba amasung taisinnanaba India na makhal kayagi pambei sijinnaduna mathang mathang hotnarakpaduna handak National Intelligence Agency (NIA) na Special Court amada Charge Sheet thanggatpa matamda Kangleipak Communist Party (KCP) Noyon Group ki luchingbani haina fakhiba Moirangthem Anand Singh asi People’s Liberation Army (PLA) gi meesak amani haibata nattana PLA na Manipur da thokliba kanglupki muknaba asida mei pisinba kangbuni haina paothoknabasu laknari. Adubu Anand faba matamda fongdokkhibadi –

One person identified as Moirangthem Anand Singh who was re-arrested by the National Investigation Agency (NIA) on September 22 after granting bail by a NIA court, belongs to Kangleipak Communist Party (KCP) …

KCP (Noyon) leader Moirangthem Anand Singh was arrested by NIA sleuths from the Imphal police station on Friday afternoon hours after a Special Court granted bail to him in a separate case …

One of the accused, Moirangthem Anand Singh, was a trained cadre of a proscribed Meitei militant outfit and previously arrested six times in 1997, 2001, 2002, 2004, 2005 and 2009. After joining the KCP (Noyon) Group in 2010, he was arrested again in 2010 for a case of extortion from government office and was detained under NSA.

Moirangthem Anand Singh asi RPF ta 2001 da yaorambadagi 2004 da 17 AR na fakhraba matungda amuk hanna Party da yaoraktabadagi DISMISSAL ORDER NO. A4-6/01/2007. Dt. 2007-02-01 gi matung inna Party dagi tokhankhraba meeoi amani.

RPF na hangningba wafamdi – Manipur da houjik thokliba kanglupki wathok asigi matangda efong-fongna laoduna-khongduna media kayada hunnaduna leiriba Arambai Tengol (AT), Committee on Tribal Unity (CoTU), Indigenous Tribal Leader’s Forum (ITLF), Kuki Inpi Manipur (KIM), Meitei Leepun, Schedule Tribe Demand Committee of Manipur (STDCM), Kuki MLA, Manipur gi Chief Minister N Biren, Manipur gi Member of Parliament gi meehut Sanajaoba, Home minister Amit Shah, India gi Prime Minister N Modi, Indian Army, India gi Intelligence Unit sing amasung makhoi na thadokpa Saroi-Ngaroi-Huiroi (Henchman) sing asida tainagedi haidadana Kanglupki wathok asi thoktanaba amasung taisinnanaba manung-mapan naina hotnariba RPF ta hanjin-hanjin taisinnanaba hotnariba asi karigino? Wahang asigi achumba paokhum adutana India gi aronba amasung afongba fatta-lousing mayamdu   khangba ngamgani.

Engkumja 1971 gi Bangladesh (matam adugi East Pakistan) ki ningtamlan asida Mukti Bahini 100,000 lan gi training piduna Pakistan ga thengnaba haiba pandam thamduna India gi Operation: JACKPOT kouba ama hangdokkhi. Adubu India gi lanmisingna Longgi setchinduna lonna Mukti Bahini saduna Pakistan Army thengnakhi.

Asumna 21 Para Regiment na 2024 gi April tha loirakpada 8 Assam Rifles gi leifamda laktuna Manipur amasung Myanmar ngamkheida leiriba WeSEA gi Yaolloi singgi mathakta Aronba Strike tounaba Operation hangdokkhi. Operation asida Bangladesh, India amasung Manipur da leiba Kuki na Myanmar gi Kuki National Army-Burma (KNA-B) sassinnaduna Operation asida saruk yahankhi. 1971 gi Operation: JACKPOT ki matamda Indian Army na Mukti Bahini sabagumna 21 Para Regiment amasung Assam Rifles gi Active Service ta leiriba amadi Indian Army dagi potharaba (Retired touraba) lanmisingsu KNA-B saduna aronba strike ki operation asida saruk yakhi. WeSEA gi yaolloi sing khaktada lanthengnabadagi hendoraktuna Myanmar gi Army amsung Police singdasu landasillakpadagi Myanmar na Helicopter dagi kaptharaktuna landarakliba (Intruder) sing tankhaikhi amasung landaraklibasing aduda siba-sokpa kaya ama nangkhi. Leimakhong, IGAR (South) ta leiba Military Hospital amasung Phaikot ta lanfam asigi asokpasing laikannakhi.

Myanmar na Helicopter dagi hek kaptharaktringei mamanggi lanfam adudadi landarakpa asi “Unconventional Warfare” oiba tarabasu lallong khangna landarakkhi. Landarakpa asida Elite Force khara yaore haiba khanglakpadagi marup mapang oiba Yaollup singga loinana cheksinna lan asi  maiyokminnakhi. Adubu Helicopter dagi kapthakhraba matungda thengnaba lansing asidadi “Numit ka Tha ga khennabagum” asukki-matik chaona khennakhre. Lanfam asidagi fangliba lousing amasung  khudam sing asina takpadi India gi Elite Special Force oiriba 21 Para Regiment asi lan asida yao-e haibani. NSCN-IM na fongdorakpa, Ngamkhei da taba khunjasinggi mitna uba paodam paoche singda fongkhiba, Kuki Inpi Manipur gi nakoinana fongdokpa propaganda gi cherol asinasu India na Myanmar gi lalhoubada mateng pibada nattana hakthengnana WeSEA leibakki Yaolloi sing amasung maningtamba leibak Myanmar gi mathakta “Unconventional Warfare” ama chathare haiba takpani, haibadi Myanmar gi mathakta Proxy War ama toure haibani.

Lallak asida India na “PLA gi mathakta kanna landaribasi wari saba yanaba toubani …”, “Border Area da shanti purakke hairabadi PLA ga wari sananaba sillak-u …”, “Thoklaktribafaoba otkani, neigani …” haiba wahei sing asi efong fongna eikhoigi nakong younaba sandorak-e. Asida nattana Assam Rifles na PDF amasung KNA-B da “Manipur gi lalhoubasing surrender touhallak-u adu oirabadi makhoina purakpa khutlaising nakhoida pigani” haina Promise faoba toue haibagi pao lak-e.

Manipur da khundaminnariba furup khudingmakki ereichasing, RPF na haijaningba wafamdi Mayang India na eikhoi masel khaibung-khaibung tanaba hotnariba fattraba sarou-lang asida yaobiganu, makhoi na ngangba wa thajabiganu. Eikhoisi echil-enao ama oina yumlon-keironnana Manipur da matam kayagi mamangdagi leiminnaraklaba furup ngaktani. Mile lising ama henna lappada leiba Mayang na ensillaga nungsi-channana leiminnariba eikhoi masel khatnagadouba natte. Masagi oijaba thiba, Principle leitaba meeoi-khaktna Saroi-Ngaroi-Huiroi (Henchman) oibani. Manipur da yelhoungeidagi khundaminnariba furup sing asidi masagi saktam amasung fajaraba khunaigi chatnabi ngakna chatpa furup singni. Eikhoidi Mayang India gi Saroi-Ngaroi-Huiroi (Henchman) oigumsi, nungsi channana hingminnasi amsung punna panminnasi haina RPF na nolukna amukka hanna haijari.

Ngasi eikhoina pairiba khutlaising asi eikhoi masel onsinnabagi mahutta Mayang India da onsinduna meekha polliba eikhoigi leibak Manipur asi India gi makhuttagi maning tamhallasi loinana eikhoigi apunbagi lingjel (Unity) asi malemda utthokminnarasi!

Down With Indian Regime!

Expose The Henchmen In Our Community And Denounce Their Heinous Crime Together!