REVOLUTIONARY PEOPLE’S FRONT | PRESS RELEASE
PR No.26001 Date: 2026-01-13
Revolutionary People’s Front (RPF) ki member, houjikna yaollup asigi Social, Health & Family Welfare Department da Member on Special Duty (MSD) oina thou puribi, meekha pollaba ningtambagi ikhou langlaba Manipur gi meeyamda ningtambagi mangal pinaba houkhiba chahi kayagi mamangdagi loilam sandokpa India gi mayokta chattharakliba ningtam yaol lanjang asida Manipur Imagi mamomsinggi laktagi chokthaba naidraba thounaga iroinana katthokpatana masaruk oiduna Manipur Imagidamak thouna fana lanthengnarambi ikai khumnajarabi party gi senior cadre Retd. 2Lt.–Yangambam Ongbi Nongmaithem Ibeyaima atoppa ming Madam Rina, nd ing kumja 2026 ki January 10, Thangja numitki nungthil pung 2:10 taba matamda masagi chahi 71 hellakpada hakchanggi anaba amana leikhidre.
Party gi Senior cadre Retd 2Lt. Yangambam Ongbi Nongmaithem Ibeyaima atoppa ming nd Madam Rina, ing kumja 1954 gi April 11, Yumsakeisa numitta Imphal East District ki Moirang Kampu Sajeb Makha Leikai da Nongmaithem Pakchao amasung leikhidrabi Nongmaithem ongbi Kundorei gi mamom oina taibang punsida khongdarakkhi. Machil manao nipal (8)- nupi mari (4), nupa mari (4) pokminnabagi manungda leikhidrabi Madam Rina na anisubani. Angangdi ningthada khang-e haiba eikhoigi ahal laman, ipa-ipusingna thambiramba paoroudumak Madam Rina da chap chana hek thok-e. Tungda saknairabi yaolloi luchingbi ama oirakkadouribi ngallingeigi nupimacha asi angang oiringeda yamna tapcha engjaba, mapa mama, emunggi awaba yamna uganbi oina hourakkhibaga loinana mapa mama amadi emung manunggi mateng pangduna matam pumnamakta makha thaba moupwa manaosingbu warak watemduna hourakkhi.
Mahei-masingi lamda Moirang Kampuda leiba Top Dushra High School da tamduna Matriculation Examination mai paklaba matungda Modern College da Pre University Course (PUC) tamkhi.
Piklingeidagi houna mareibak maramdam nungsibagi ihul masada loinarakkhibana Madam na yaol ihougi lambida khongdaraktringeida makhoigi yumda thunglaba RPF ki yaolloisingbu machin manaogum taram taram oktuna nungsina loinaba, leijaba kharadang pija pithak toubasi mahakki nungaijabini. Madam gi thabaksing asina eikhoibu Korea gi matam amagi ningtam landa achouba thoudang loukhibagidamak Korea gi meeyamna Mother of Korea haina minggounakhrabi Mrs. Kang Ban Suk pu ningsinghalli. Lupki meeoina toubada khudong charoidaba thabaksing mahak masana chattuna thabak touduna mateng pangkhi. Asumna ningtam lanmeesingga totna tinnaduna leptana thabak tourakpadagi ereibakki oiriba fivambu mayek sengna khanglaktuna ereibakki ningtam lanjang asida mapung faba thoudang lounabagidamak nungsiraba ima ipa, ichin inao amadi inkhatlakpagi nungaiba pumnamak tungoinaramduna kumja 1982 gi October thada People’s Liberation Army (PLA) da yaokhi.
Ireibakki ningtam yaol lanjangda nupasingda louriba thoudangda nupi oibisingsu sotthaba natte haiba uttuna kumja 1982 da yum thadoktuna tunggi ireibakki ningtam yaol khongchatki puwarida achouba mafam ama kallagadouriba Kachin khongchatta saruk yakhi. Khudongthiba kayaga iroinaba khongchat aduda nongmata wai haiba wahei mahakki chinbandagi thorakkhide, loinana maithongda awaba machet amatta utkhide. Kachin da youraba matungda KIA (Kachin Independence Army) na piba basic military training louraba matungda Madam Rina WAF (Women Army Force) KIA da lanmee ama oina thabak toukhi. Mafam aduda KIA gi nupi lanmeesingduga ningthina leiminnaduna lol faonadabagi awaba leirabasu mapung fana mathou pangthokkhi.Matungda General Staff Office ta Clerk ama oina thabak toukhi.
Madam Rina thangei sengna Meetei nupi amagi chap chaba matik mayai chenbi nupi luchingbini. Matam pumnamakta tasin khomjinba, yaolloi ateiga matam pumnamakta harao harao leiminnaba, makha thaba marupsingbu macha manaogumna loinaba, matam pumnamakta icham chamna leiba, louthup loukoi leitana wa ngangbagi mayaina leitengbini. Supnagi wahei kharatana makha thabasingbu ningthina yaol ehougi maramda khanghanba ngambini. Madam Rina nupi laktagi athoibi luchingbi amani.
Mahak kumja 1990 amasung 2008 ta pangthokkhiba ahanba amasung anisuba party congress ta saruk yakhi.
Kumja 1990 da Manipur da thoraktuna meeyamga ningtam yaol ehougi maramda wakhal taminnanaba irebakki loijing loiya sinthungna chattuna organize toukhi, loinana “Athouba singgi Ningsing Numit 13 April” pangthoknaba hotnabada achouba thoudang loukhi.
Kumja 1990 gi Ahanba Party Congress matungda lupki potthok puthokpagi pandamda lingkhatkhiba fisa-lonsa touba Industry gi thoudang puduna, potthok puthoktuna lupki sel- thumda achouba mateng oikhi.
Kumja 2007 da lupki Social, Health & Family Welfare Dept. gi makhada leiba Family Committee gi chairperson oiduna yumballabi nupisingna yaol ehouda lougadaba thoudangsing amasung emung manung karamna nungaina leigadage haibagi matangda houraklibasingda takpi tambiramkhi.
Leikhidraba party gi senior cadre Retd 2Lt Madam Rina na punsigi aroiba meekup faoba Ima nd leibakpu amadi ningtam ihou asibu mangda pukhatnaba hotnabirambagidamak ikai khumnaba utpagi thouram (Condolence) RPF ki Unit, Dept. amasung Station khudingmakta pangthokkhre. Loinana leikhidraba Madam gi imung manung, sagei-natei, marup mapijasinggi awabadasu RPF amasung masigi lanmee PLA na saruk yajari.
Bangkim
Assistant Secretary, Publicity
Revolutionary People’s Front.
Date. 13-01-2026.
